غلطة عمرك إنك تبعت الC.V بتاعك على إيميلات الHR
- دلوقتى وقع في إيديك إميلات الHR بتاعت شركات كبيرة روحت أنت زي الشاطر كدة واخدهم Copy & Paste في إيميل ظريف و عملت Upload للC.V المتين و هوووووب روحت بعتوا، في ناس بتتعب نفسها و تكتب تخصصها في الSubject و في ناس بتكسل حتى تكتب تخصصها بتبعت و بالبركة بقى !
أنت كدة ارتكبت أكبر غلطة في حق مستقبلك ... ليه ؟
- عشان أولا، الإيميل بالC.V المتين بتاعك ده هيتمسحوا من غير حتى ما يتقروا أصلا، هتقولي ليه ؟ هقولك عشان أي صاحب عمل هيفتح الإيميل هيلاقي إنك باعت الC.V بتاعك ل 100 شركة غيره هيقول طب خاللي بقيت الشركات تنفعه ... صاحب العمل عايز يحس إن أنت بTarget شركته هو و بس، إن أنت عايز تشتغل معاه و في شركتة تشاركه أهدافه ... انت باللي أنت عملته ده أثبتله إنه كصاحب عمل مش فارق معاك تشتغل معاه أو مع غيره مش فارقة كتير ... أي صاحب عمل بيدور على الموظف اللي عنده ولا و انتماء.
- ثانيا، فييين الCareer Objective اللي هيتكتب في الإيميل نفسه، لازم كصاحب عمل يعرف أنت ليه مهتم تشتغل في شركته و أهم حاجة هتقدر تقدمله إيه كموظف ... بالبلدي كدة إيه اللي هيخليه يختارك و ميختارش غيرك، كل ما تبدع في الCareer Objective كل ما صاحب العمل هيقتنع بيك و بمؤهلاتك ... كل ما أسلوب كلامك كان صادق و وضحتله مدى رغبتك في إنك تكون ضمن فريق العمل الخاص بيه، كل ما هيتمسك بيك و بطموحك في الشغل معاه.
- ثالثا، ركز في ثالثا دي و خليك حقاني، لما صاحب العمل يفتح الإيميل الظريف بتاع ساعتك و يلاقي التالي: يجي بتاع 100 إميلات HR، الإيميل مفيهوش عنوان و كمان مفيهوش Career Objective بمعنى الإيميل مش مكتوب فيه حاجة فاضي و اهم حاجة مش مذكور فيه حتى تخصص البنى أدم اللي بعتوا ... بذمتك ده إيميل صاحب العمل يضيع فيه وقت و يقراه، بذمتك ده إيميل شخص Professional هيصنع تغيير في شركته و يحقق أهدافها، طب يرضي ضميرك إن ده إيميل شخص هيضيف Value في أي وظيفة هيشتغلها ...
رابعا، وجهه نظر أي صاحب عمل لما يفتح إيميل زي ده لما يلاقي الشخص اللي بيدور على شغل و أمنية حياته يشتغل مكسل يبعت لكل شركة إيميل خاص بيها ... طب يا أخي حتى إدى للشركة برستيجها كدة ، لما يلاقي إن نفس ذات الشخص مكسل حتى يكتب تخصصه إيه، اللي هو أي وظيفة في أي مكان او أقلك أفتح أنت الC.V و عيش و شوف هتقدر تظبطني إزاي ... صاحب العمل مش شغال عندك.
- بصراحة كدة لما صاحب العمل يلاقي كمية الكسل و اللامبالاه و عدم الاهتمام بالتفاصيل و الكروته كل ده في إيميل واحد الغرض منه إنك بتسعى تشتغل ... كل الأخطاء دي دليل قوي على إنك شخص مش محترف، شخص كسوول لأقصى درجة، معندكش إنتماء أو ولاء و أهم حاجة معندكش طموح ... كل دي صفات صاحب العمل هيبعد عنها و عن صاحبها بالمشوار و أكيد هيبقى عنده حق.
- الفكرة كلها مش بكم الإيميلات اللي تبعت عليه هتضمن وظيفة، مش نظام كل ما تبعت لإيميلات أكتر فرصتك في وظيفة هتكتر، أو إن يكون هدفك جايز تصيب مع إيميل منهم و حد يكلمني و أخيرا مش بكم الإيميلات هتشتغل أسرع نظام أي شركة فيكم تشغلني عشان نخلص.
- حط في بالك إن الإيميل اللي فيه الC.V بتاعك ده هو الأداه و وسيلتك الوحيدة في إنك تبهر صاحب العمل، تقنعوا بنفسك، بمؤهلاتك و بطوحاتك ... اثبتله إنك هتضيف Value لشركته و لشغله و أهم حاجة إنك اخترت شركته و حابب تشتغل فيها و تكبر معاه.
- إحنا هدفنا نساعدك تبهر صاحب العمل و إنه يختارك من ضمن 100 مقدمين عنده، إحنا ظبتنا كذا Form للCareer Objectiveتقدر تعملهم Download و تستعين بيهم كل مرة تبعت علي إيميل شركة ما إلى زائد أسباب رغبتك في العمل مع الشركة بتاعتهم بالتحديد و طبعا تتكلم باختصار عن مؤهلاتك و إزاي هتضيف للوظيفة اللي أنت مقدم عليها.
- الCareer Objective Forms في ملف مرفق بالمقال، أي حد واجه أي صعوبة في تحميل الملفات ابعتولنا على info@ewazefa.com و إحنا هنبعت لكم الملف تاني 
- لو عايز تزود عامل الابهار لصاحب العمل تقدر تنزل نماذج الC.Vs المكتوبة باحتراف من اللينك ده 