- بحكم شغلنا فى ال HR وال Recruitment فترة كبيرة شفنا C.Vs كتير جدااااا و حوالى 95% من ال C.Vs دى كان فيها اخطاء قاتلة كفيلة انها تخلى اى HR ميكملش قرائة ال C.V بتاعك او حته يعمله Delete وهيبقى حقه بصراحة بعد ما تشوفوا الاخطاء دى واللى ننصحكوا تتجنبوها.
فى كل وظيفة بتتفتح بيقدم عليها ما يقارب ال 1000 واحد فا حاول تتميز عنهم ومتعملش الاتى اولا:
اخطاء قاتلة حاول تتجنبها فى ال C.V بتاعك:
1- متقدمش على وظيفة الا اذا كنت شايف انك عندك المؤهلات المطلوبة او حتى قريب منها "انا بعمل اعلان اطلب فيه مهندسين حديثى التخرج الاقى خريجين تجارة يقدموا" لان ببساطة محدش هيهتم بال C.V بتاعك لو هو مش محتاج حد بمؤهلاتك دى.
2- وانت بتبعت ال C.V بتاعك على اى وظيفة افتكر ان مش انت لوحدك اللى مقدم وفى مئات غيرك فا حاول تميز نفسك حتى فى المرحلة دى وده يتضمن 3 حاجات حالو متعملهمش اولا:
- متكتبش عنوان الميل "My C.V" فى اكتر من 100 ميل بيتبعت فى اليوم اعرف ازاى ان انت مقدم على وظيفة معينة ؟ !!!!!!
- متسميش ال C.V بتاعك بردو " My C.V - او Final C.V او السى فى بتاعى " عشان لما يتعمله Save على الجهاز ننعرفمن وسط ال 100 C.V الباقيين .
- لما تيجى تبعت ال Mail مش لازم تكتب فيه صفحة ومينفعش تسيبه فاضى بردو.
3- صورة ال C.V تحطها ولا لآ ؟ متحطش صورة غير لو اطلب منك تحط ولو فكرت تحط صورة متحطش صورتك وانت فى الجنينة او وسط اصحابك ولو حضرتك بنت مش لازم تحطى صورتك وانتى فى اخر فرح حضرتيه خالص عشان الموضوع ده ممكن يقفل اى حد من انه يقرا ال C.V بتاعك اصلا .
4- لو لقيت ان فى ال C.V بتاعك اى اخطاء فى ال Spelling او ال Grammar متفكرش تبعته ومن فضلك شكل ال C.V مهم جداااا اه بس ده مش معناه انك تحطلى الوان وخصوصا البنات لان ال C.V هى عبارة عن اعلان يعرضك كأحسن حد للوظيفة عنك مش دعوة فرح حضرتك.
5- متكتبش Objective عام وواسع ومش محدد زى انك تكتبلى انك عايز اى Position يتناسب مع مؤهلاتك لان لو انت مش عارف انت عايز ايه محدش هيقولك ومش شغلة اى HR فى اى شركة انه يدور ايه الوظيفة اللى ممكن تمشى مع مؤهلاتك خالص وده بردو مش هيخلى اى حد يكمل قراية ال C.V بتاعك.
اخيرا : فى ناس كتير كويسة جداا وعندها مؤهلات ممتازة بس بتغلط غلطات بدائية تضيع الدنيا كلها فى ال C.V فا حاول متغلطش الغلطات دى لان المنافسة محتاجة انك تكون مميز.
المصدر http://on.fb.me/1tgogJy