- جالنا سؤال من كذا حد عن ازاى اقدم نفسى فى Interview او وانا بتعرف على حد فى Event او Job Fair لان الموضوع بيبقى صعب ومحرج ومبنعرفش نقول ايه بالظبط.....
- الناس لما بتسألك انت بتشتغل ايه او بتعمل ايه فى حياتك بيبقوا نفسهم يسمعوا حاجة جديدة او بطريقة مختلفة او حاجة نفسهم يعملوا زيها,
وده ما يعرف بال Brand Statement :
- او الجملة اللى بتشرح فيها ال Brand بتاعك وانت ليه مميز وازاى الناس ممكن تستفيد منك ؟
عشان تبنى ال Brand Statement بتاعتك وتقدم نفسك بطريقة متميزة ممكن تعمل الخطوات دى:
- حاول تفكر فى تعريفك لنفسك على انه اعلان فيلم عايزه يجذب الناس انها تعرف عنك اكتر ويشد انتباهم للمميزات بتاعتك ويعرفهم انت بتعمل ايه بالظبط فى ثوانى,
- اتكلم عن نفسك بطريقة مشوقة عن طريق انك تكلم عن التحديات اللى شغلتك تعديها او المشاكل اللى انت بتحلها فى شغلك.
- خليك واثق دايما من اللى بتقوله لانك لو قلته وانت مش واثق من اللى بتعمله عمر ما حد هيصدقك.
- اوعى تستخدم كلمات اتهرست قبل كده 100 مرة زى مثلا ان انت Problem Solver او Good Team Player او مثلا انك Strategic Thinker والكلام ده.
مثال على ده:
- لو انت عطشان وجالك 2 بياعين بيبيعوا مياه معدنية وسألت الاول انت بتشتغل ايه ؟ قالك انا ببيع مياه معدنية.
وسألت التانى انت بتشتغل ايه ؟ قالك انا بساعد الناس يروا عطشهم عشان يكملوا يومهم بنشاط وحيوية.
- تفتكر هتشترى مياه من مين فيهم ؟ اكيد التانى مع انه مذكرش اصلا انه بيبيع مياه.
- شوف انت بتساعد الناس او الشركات ازاى بشغلك وازاى انت بتعمل ده بشكل مختلف ومميز, واتمرن على انك تقدم نفسك فى 10 ثوانى واكتب ال Brand Statement دى فى كل ال On-line Profiles بتاعتك وهتلاقى الموضوع بيفرق والناس هى اللى هتحب وتهتم تعرف عنك اكتر.
المصدر http://on.fb.me/YL2jue