مساحات العمل المشتركة أو ما يعرف بالـ Co-working Spaces

معظم رواد الاعمال و اصحاب المشاريع الصغيرة و المتوسطة، المخترعين، الطلبة، اصحاب الاعمال الحرة اما انهم:

1. مش عارف يشتغل او يذاكر من البيت
2. ما معهمش فلوس او ما عندهمش وقت يجهزوا مقر للشركة
3. شغلهم بعيد عن بيتهم و بيضيعوا نص يومهم في زحمة و مواصلات
4. عايزين مكان يشتغلوا فيه غير المكتب او الجامعة و في نفس الوقت عايزين مكان هادئ و انترنت سريع الخ
5. عايزين يشتغلوا علي مشروع التخرج و عايزين مكان و انترنت سريع و اكل و شرب
6. .
7. .
8. الخ الخ الخ

لو بتواجهك اي مشكلة من اللي فوق دول يبقي انت محتاج تتعرف علي مساحات العمل المشتركة او زي ما الناس عارفاها بالانجليش Co-working Spaces

ايه هي مساحات العمل المشتركة؟

مساحات العمل المشتركة هي مكان بيقدم مساحة للعمل مجهزة بالمكاتب و الكراسي و الانترنت و كافتيريا تقدم المشروبات و الماكولات و غرفة اجتماعات و محاضرات و مكتبه و هكذا.

مساحات العمل ده بقي بتتأجر بالساعة أو اليوم أو الشهر و كل مساحة علي حسب خطط اسعارها.

مساحات العمل المشتركة لسه ما زالت نشاط جديد في مصر و بدأ ينتشر خاصة في وسط مجتمع رواد الاعمال و و الشباب و اصحاب الاعمال الحرة و حتي الشركات الصغيرة و المتوسطة.

من اهم مزايا مساحات العمل المشتركة هو سعرها. فبدل من تأجير مكتب بحوالي ثلاث او اربع الاف جنيه في الشهر غير توضيب و تجهيز و فرش غير وقت بيضيع. فممكن تبدأ مشروعك او شغلك في اي مساحة عمل مشتركة جنب بيتك و توفر حوالي 90% من المصاريف.

او بدل ما تقعد انت و اصحابك في كافيه كوباية المياه فيه بخمسة جنيه و انترنت بطئ و تقوم كل واحد دافعله خمسين جنيه عالاقل غير الدوشة و الزحمة اللي مش بتخليك تعرف تركز و لا تنجز شغلك.

مساحات العمل المشتركة بتقدملك كل اللي انت محتاجه انت و فريق عملك بسعر معقول جدا.

الاسم:: 302 Labs لابس

العنوان :: ٤ شارع وهران , تاني يمين من كنتاكي الطيران , مدينة نصر ، القاهرة

رابط الموقع علي الإنترنت ::  http://www.302labs.com/

الاسم :: ديستركت – مصر District-Egypt

العنوان :: 51 ب طريق مصر حلوان (بالقرب من محطة مترو أنفاق المعادي)– القاهرة – مصر

الاسم :: المقر

العنوان :: 17 ش ابن سينا – صلاح سالم – هليوبليس – القاهرة – مصر