حبر للطابعات hp samsung canon brother

عملة البتكوين الافتراضية BitCoin تتخطي حاجز الستة الاف دولار

عملة البتكوين الافتراضية BitCoin تتخطي حاجز الستة الاف دولار
تم النشر بواسطة : ewazefa.com
المشاهدات :1738




هل البتكوين استثمار جيد؟ ام فقاعه؟ ام عملية احتيال كبري؟ سنحاول الاجابة فيما يلي


الشهر الماضي قال جيمي ديمون المدير التنفيذي لجي بي مورجان ان البتكوين لن تنجح و ان مش اي حد معدي في الشارع يخترع عمله الناس هتثق فيها و تشتغل بيها و ان الناس اللي بتشتري و بتستثمر فيها و فاكرين نفسهم ناصحين هيخسروا في الاخر.
و علي العكس تماما قال المستشار العالمي لشركة Fundstart توم لي ان السعر المتوقع للبتكوين الواحد هو ٢٥٠٠٠ دولار و اننا سهل جدا نشوف ارقام ١٠٠,٠٠٠ دولار


و مدير صندوق التمويل مارك يوسكو بيتوقع ان سوق الاسهم في الولايات المتحده سينهار بشده. و بيتوقع ان سعر البتكوين يوصل مليون دولار علي المدي الطويل.


لو انت مش متابع كويس فلازم تعرف ان سوق العملات الافتراضية زي البتكوين و ايثيريوم و غيرهم كان بيقدر بحوالي ٢٠ مليار دولار في يناير الماضي و دلوقتي قيمته تخطت ال ١٤٠ مليار دولار.


سنة ١٨٧٥ عرف الاقتصاديون المال بأن له عدد من الوظائف اهمها التبادل و مخزن للقيمة.


الناس اللي بتفكر في البتكوين كوسيلة للتبادل شايفه انه عملية نصب كبيرة و انه ازاي العملة الافتراضية ده غالية كده و انا مش عارف اشتري بيها او اتعمل بيها زي العملات الرسمية.


و الناس اللي شايفة ان البتكوين ده "مخزن للقيمة" فدول اللي شايفين قيمتها بتزيد يوم عن الثاني و بيستمروا في الاستثمار بها و الترويج لها.


طب ليه؟ توم لي بيقول ان البتكوين هو الذهب الجديد و ان سوق الذهب حاليا تقدر قيمته بحوالي ٩ تريليون دولار و ان زي ما الجيل الحالي بيعتبر الذهب هو مخزن للقيمة الجيل القادم هيشوف البتكوين كمخزن للقيمة بديل للذهب.
 

هل البتكوين هو الذهب الجديد؟
سنة ١٩٩٦ مع بداية عصر الانترنت دوجلاس جاكسون كان عنده حلم العملة الرقمية التي لا تتحكم فيها الحكومات و عمل e-gold و كبرت بسرعه جدا و صل حجم التعاملات بها سنة ٢٠٠٦ الي ٢ مليار دولار في السنة و في الوقت ده تم ايقاف الشبكة بواسطة الشرطة الفيدرالية الامريكية.


عشان كده مؤسس البتكوين "ساتوشي ناكاموتو" فضل متخفي عشان الحكومات ما تقدرش توصله و تقفل الشبكه زي ما عملوا مع e-gold و قال لما كان بيبدأ في مشروع البتكوين:
- تخيل معايا ان في معدن نادر زي الذهب و لكن له هذه الخصائص:
° لونه رمادي
° مش موصل للكهرباء
° مش قوي زي الذهب و مش ضعيف
° مالوش اي استخدامات اخري زي الزينة مثلا بالنسبة للذهب
° يمكن تبادله عبر وسائل الاتصالات


ايه علاقة البتكوين بالذهب؟
اجمالي الذهب اللي موجود في العالم حوالي ٦ تريليون وقية و حوالي ٨٠ مليون وقية بيتم تعدينهم و اكتشافهم سنويا. ده يعتبر نفس قيمة ١٦ مليون بتكوين.


و البتكوين مصممة عشان تكون لها سقف محدود زي الذهب بحد اقصي ٢١ مليون بتكوين.


ناس كثير بتفكر في البتكوين كوسيلة لحفظ القيمة للاسباب التالية:
° توقع انهيار الاسهم و البورصة الامريكية
° توقع انهيار الدولار الاميركي
° توقع بحدوث ازمة مالية عالمية اخري


قيمة العملات الرقمية زادت ٨٠٠٪ في اقل من سنة واحده ده نفس معدل نمو الانترنت في التسعينات و زي ما ممكن يبقي فقاعه كبيره كمان ممكن يكون بداية عصر جديد.


بالنسبة لي شخصيا انا بشتري بتكوين و عندي استعداد اني استثمر فيها مهما ثمنها زاد لاني شايفها المستقبل و كمان عشان نظام العملات حاليا آن الاوان انه يتغير.
شاركونا بأرائكم و استفساراتكم

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت