كيف تربح عشرة الاف دولار في الشهر من التسويق علي الانترنت لموقع أمازون فقط

كيف تربح عشرة الاف دولار في الشهر من التسويق علي الانترنت لموقع أمازون فقط
تم النشر بواسطة : ewazefa.com
المشاهدات :13667




كيف تربج عشرة الاف دولار في الشهر من امازون

 

النهارده انا فاضي بعد الظهر ما عنديش شغل

فقولت بدل الملل اللي انا فيه ده اكتب حاجة مفيدة

 

مبدأيا كده انا لا عندي بلوج ولا ميلنج ليست ولا عامل كورس عايز ابيعه فما تقلقش انا مش عايز منك حاجة

 

مقدمة بسيطة:

أنا اسمي تي جي و في بداية الثلاثينات من عمري يعني شغال في قصة المواقع بقالي يجي ثلاث سنين عشان ازود دخلي الشهري بالاضافة لشغلي الاساسي اللي انا لسه شغال فيه لحد النهارده

 

السكرين شوت اللي في اللينك ده هي صافي الدخل من موقع واحد و هو الوحيد اللي انا بشتغل فيه دلوقتي.

الموقع ده بقاله اقل من سنتين و بيعمل اجمالي دخل دلوقتي من عشرة الاف لحداشر الف في الشهر.

 

مصاريفي متقسمة علي استضافة الموقع، الصور اللي بشتريها، و الكاتب اللي بيكتبلي المقالات حوالي ٦٠٠ او ٧٠٠ دولار في الشهر

 

كده يبقي صافي الربح شهريا حوالي ٩٢٠٠ لـ ١٠٠٠٠ دولار. من شغل حوالي ١٠ ساعات في الاسبوع.

 

نيجي بقي للخلاصة أنا بعمل ايه عشان اكسب كل الفلوس ده؟

 

بمسك موضوع عام و واسع زي مثلا "الصحة" و بكتب نوعين من المحتوي أو المقالات النوع الاول: بيكون فيه معلومات مفيده من النوع اللي يشد القراء للموقع بتاعي و النوع الثاني: بشرح فيه منتجات معينة عشان اشجع الناس انها تشتريها من خلال الافليت اكونت بتاعي ما بعملش حاجة خارقة يعني زي اي حد عنده موقع او مدونة تقريبا.

 

مثال علي المقالات العامة اللي بتكون في معلومات بشكل عام و اللي الناس ممكن تحب تتابعها و تقرأها

https://greatist.com/eat/chicken-breast-recipes-you-can-meal-prep

 

المثال الثاني علي المقالات اللي بتكلم فيها عن منتج معين لشريحة معينة من الناس

http://www.outdoorgearlab.com/topics/camping-and-hiking/best-ultralight-sleeping-bag


 

مفيش شئ صعب في الحكاية. كلنا بنقرأ النوع ده من المحتوي علي الانترنت كل يوم. و الانترنت مليان النوع ده من المقالات.

 

الحكاية كلها ان المحتوي لازم يكون عالي الجوده يعني شوف المقالات اللي علي الموقع Greatist.com و انت تفهم انا بتكلم عن ايه بالظبط.

 

انا عادة ما بفضل اكتب ٧٥٪ مقالات عامة و ٢٥٪ مقالات عن منتجات بعينها.

 

الجزء المهم الثاني في الموضوع هو السمعة علي الانترنت ازاي تخلي مواقع و مدونات ثانية تحط لينكات عندها لمقالاتك و الموقع بتاعك.

انا مش هتكلم عن ازاي تجيب لينكات للموقع بتاعك لان موضوع كبير بس هقولك علي شوية مواقع تتابعها و تتعرف منها علي شوية طرق هتساعدك

Authority Hacker و Backlinko.

 

بعض الطرق اللي جابت معايا نتيجة ممكن تفيدك (دور عليها في جوجل) Skyscraper, guest posting و اخيرا Resource page link building

 

تقريبا عندي اكثر من ٢٠٠ لينك مباشر للموقع بتاعي بطريقة شرعية، مش مهم الرقم علي قد ماهو مهم اللينكات ده تبقي شرعية و من مواقع ليها علاقة بالمحتوي اللي انت بتقدمه.

 

مع الوقت هيبتدي جوجل ياخد الموقع بتاعك في الاعتبار و هتبدأ تلاقي ترتيبك بيطلع في نتائج البحث و تلاقي نفسك بتطلع في الصفحة الاولي فالناس هتبدأ تزور الموقع بتاعك و بعدين هتبدأ تدوس علي اللينكات اللي انت عاملها لامازون او لغيره

 

كرر الموضوع ده مع كذا مجال و منتج (صحة، الكترونيات، كتب الخ). و هتلاقي الزيارات لموقعك بتزيد و بالتالي عمولاتك هتزيد.

 

طيب عشان نلخص الكلام الكثير اللي قلناه

اعمل ثلاث حاجات:

  1. اختار مواضيع عامة و يكون ليها منتجات بتتباع زي (الصحة و ادوات التجميل و الحيوانات الاليفة مثلا)

  2. اكتب محتوي راقي و جودته عالية

  3. اتعلم ازاي تعمل لينكات لموقعك في مواقع ثانية

 

ملحوظه عالماشي:

انا بشتغل ١٠ ساعات دلوقتي اه انما في الأول الموضوع احتاج وقت كبير و مصاريف جامده بتاع حوالي ٧٠٠٠ دولار معظمهم راح للكاتب اللي بيكتبلي المقالات


 

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت