حبر للطابعات hp samsung canon brother

غلطات متعملهاش لما تتفاوض علي مرتب شغل

غلطات متعملهاش لما تتفاوض علي مرتب شغل
تم النشر بواسطة : ewazefa.com
المشاهدات :6796

7 غلطات متعملهاش لما تتفاوض علي مرتب شغل

 

1- نقص الثقة
 

ناس كتير فاكرة إنها محتاجة تظهر الثقة بحاجات زي الظهور بالمظهر القوي، الجريئ أو المتحدي عشان يعرفو يتفاوضو. ناس تانية فاكرة إن التفاوض دي حاجة محتاجة خبرة كبيرة.


أغلب الأحيان الموضوع بيبقي محتاج بكل بساطة تماسك وتحضير كويس عشان تبقا متأكد إنك جاهز بجدارة عشان تفرض الشروط اللي إنتا عايزها، ترد علي الإعتراضات وتاخد بالك من النقط السخنة اللي هتضرب عليها عند اللي بيفاوضك.


 

لازم تكون مقتنع تماماً باللي بتعمله عشان تقدر تدافع عن نفسك بدل ما توافق بحاجات إنتا مش عايزها، وطبعاً لازم تبقي جاهز ومحضر كويس عشان تقدر تغطي علي الثقة اللي هتظهرها.

 

2- الإعتقاد بإن في حاجة مينفعش تتفاوض عليها
 

ممكن تكون فاكر إن الشروط اللي قدامك مينفعش تتفاوض عليها، الحقيقة إن أي حاجة ممكنة لو إنتا مقتنع بكده. لما تفكر كمفاوض، كل حاجة ممكن تتفاوض عليها! الموضوع بيبتدي بإيمانك الشخصي بإنك مش مفاوض بس، إنتا مفاوض ممتاز.

 

3- مبتبنيش علاقة كويسة الأول
 

بناء العلاقات هي مفتاح التفاوض الناجح، الموضوع أعمق من حضور المؤتمرات وتجميع الكروت. إعمل علاقة حقيقية مع الناس، إعرف عنهم علي قد ما تقدر. بالطريقة دي تفاوضك هيكون ليه معني لكل واحد حاضر التفاوض.

 

إعرف معلومات عنهم شخصياً مش عن الشغل بتاعهم، هتتفاجئ بطريقة كلامك معاهم و إنتا تعرف حاجات شخصية عنهم و هتقدر تتكلم معاهم بصورة ودية أكتر.

 

4- مبتطلبش اللي إنتا عايزه
 

لو مطلبتش اللي إنتا عايزه عمر مهيجيلك الفرصة إنك تحصل عليه. الرفض وحش، وكونك تقبل بالرفض ده أثناء التفاوض غلط كبير.

 

في البيزنيس، الرفض مبيبقاش شخصي. ده بيعكس إنك مقدرتش تقنع اللي قدامك بأسباب الطلب ده. اللي إترفض هوا طلبك مش إنتا شخصياً، حافظ علي إنفعالاتك و إقنع اللي قدامك بوجهة نظرك.

 

الطريقة الوحيدة إنك تتقن فن التعامل مع الرفض إنك تترفض و تفضل تحاول، معظم الوقت يا إما هتاخد اللي إنتا عايزه أو بديل مقبول بالنسبالك.

 

5- بتتكلم كتير
 

لما تيجي تتفاوض، لازم تظهر وجهة نظرك كويس، لكن لما تفضل تتكلم كتير هتسخر التفاوض. اللي بيتكلم هوا الخسران، لما تيجي تتناقش في عرض لو بطلت كلام و إستمتعت بغرابة الصمت، إحتمالية إنك تكسب الفصال بتزيد.

 

6- مبتكتبش الإتفاق و توثّقه
 

التفاوض الكويس أكتر من مجرد موافقة الطرف التاني علي شروطك، هتحتاج تكتب اللي إتفقتو عليه كويس وتوثقة بصورة تخليك تتفادي أي مشكلة ممكن تحصل في المستقبل.

 

معظم المشاكل اللي بتحصل في النقاش علي تفاصيل الإتفاق بتبقي نتيجة إنك مبتوثقوش و بتخش في مشاكل قلنا و قالو و كان قصدي وكان قصدهم.

 

7- بتمضي من غير ما تقرا
 

الحياة بقت سريعة، و الناس بقت بتعمل أكتر من حاجة في نفس الوقت، وده بيخلي الناس صعب تركز وهيا بتمضي العقود و بتمضيها وخلاص قبل ما تقراها.


والنتيجة بتكون كوارث سريعة ومباشرة، إقرا أي إتفاق أو عقد قبل ما تمضيه كويس عشان تتأكد إنك مبتمضيش علي حاجة إنتا رفضتها أثناء النقاش ومش هتعرف ترجعها.

 

المصدرhttp://goo.gl/NU9yB5

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت