15 تاسك بيعملها الموظف الناجح كل يوم

15 تاسك بيعملها الموظف الناجح كل يوم
تم النشر بواسطة : ewazefa.com
المشاهدات :8113




الموظف الناجح دايماً بيعتبر نفسه أصل لازم يفضل يستثمر فيه عن طريق التعليم والتحسين المستمر، لو عايز تبقي موظف أحسن و تكبر في شغلك بنجاح، وجه بعض وقتك و مجهودك عشان تحسن عاداتك اليومية.

 

دول 15 حاجة بيعملها الموظفين ناجحين و بيخلو ليها وقت في جدولهم اليومي المشغول:

 

1- إفطر
 

العربية عشان تشتغل محتاجة بنزين، بدل ما تقعد علي كوباية القهوة طول اليوم، خد 10 دقايق تاكل فيهم وجبة خفيفة تبدأ بيها يومك.
 

2- خطط ليومك
 

أول حاجة تعملها الصبح، بص علي تاسك بتاعك و رتبها بالأوليات، لو إنتا ليك وقت معين في اليوم بيكون أحسن وقت ليك في الشغل أحجز الكام ساعة دول لأهم شغلانة عندك في اليوم.

 

انا احسن ساعتين شغل ليا هما الساعتين بتوع الصبحيه بستخدمهم في إني أخلص أصعب تاسك عندي. متنساش تاخد راحات على مدار اليوم تأكل فيهم حاجه خفيفة عشان تفضل شاحن.

 

3- متبصش عالميل اول ما توصل
 

مش من النصاحة انك تنط عالموبايل اول ما تصحي عشان تشوف مين بعتلك ميل، مراجعة الميل بدري بتشتتك عن انك تخلص التاسك الكبير اللي حاططها لنفسك الصبح، حاول تستني لحد ١١ بعد كده تبص عالميل، بعد ما تخلص عالاقل تاسك من الكبار، لو شغال علي مشروع كبير حاول متبصش عالميل اكتر من ٣ مرات في اليوم.

 

4- ركز في هدفك
 

خد كام دقيقة كل يوم الصبح تفكر في اهداف الشركة، فكر في زباينك، اكتر حاجات بتكسبك، لما بتخش في مود الشغل بيبقي صعب تفكر في الحاجات دي.

 

5- تاسك واحدة
 

احنا عايشين في عصر بيحب المالتي تاسك، ولكن الحقيقة إنك لو شغال علي أكتر من حاجة في نفس الوقت بتبقي مشتت، عشان تبقي منتج وفعّال رتب أولوياتك و فوّض كل ما ينفع عشان تعرف تركز.

 

6- تخيل
 

ممكن الموضوع يبان شكله سخيف، إقفل عينيك وتخيل نجاحك، تخيل إنك حققت أهدافك. التخيل أداة قوية تساعدك إنك تحافظ علي طموحك قدامك، ممكن كمان تحط صور للحاجات اللي عايز تحققها. مثلا، لو نفسك تسافر فرنسا ممكن تحط صورة برج إيفل علي مكتبك.

 

7- قول لأ
 

الإنتربرونورز دايماً بيحسو بضغط بيخليهم يوافقو علي كل فرصة بتيجي في طريقهم. بس مش كل فرصة تيجي هتفيد البيزنيس بتاعك، الوقت هو أهم حاجة، إختار الحاجات اللي هتوافق إنك تعملها.

 

8- وقتك ثمين
 

علي عكس الفلوس، الوقت مش حاجة متجددة، ومفيش طريقة تجدده بيها، حافظ علي وقتك وقضيه في عمل حاجات مهمة ليك ولشركتك، إبعت عن المشتتات علي قد ما تقدر.

 

لما تيجي داخل إجتماع حدد وقت بدء و إنتهاء الإجتماع، لما حد يطلب منك إجتماع أو إستشارة حاول تسأله أسئلة مقدماً عشان تقدر تحضر كويس عشان متطولش وتوفر وقتك.

 

9- فوّض
 

موظفين كتير بيبقو فاكرين إنهم هيقدروا يوفروا فلوس لما يعملوا كل حاجة بنفسهم، خد بالك من تاسك الصغيرة اللي بتضيع وقتك و بتمنعنك إنك تطلّع أكتر من كده من البيزنيس بتاعك. لما تبقي مشغول قوي هات حد يساعدك.

 

10- إسمع
 

لما تيجي تقعد مع زميل في الشغل أو موظف عندك خد وقتك في إنك تسمع هوا عايز يقول إيه، المديرين اللي بيسمعو بكفائة مبيقعوش في مشاكل تواصل و بتقل نسبة إنهم يسألو تاني عن نفس الحاجة.

 

11- راجع إنجازاتك
 

خلي عندك عادة يومية إنك تقعد تفكر في إنجازاتك و الفرص اللي إستفدت منها، دايماً فكر نفسك بنجاحاتك عشان تفضل مركز و منتج.

 

12- إتمشي

تعرف إن الجلوس علي المكتب بقي إدمان زي السجاير كده ؟ قعدة العربية أو المكتب بيضرو صحتك، الدراسات الطبية أظهرت زيادة نسب الإصابة بالعجز، أمراض القلب والبدانة.

 

مش مهم هتعمل كده إمتي أثناء اليوم، خلي عندك شوية دقايق كل يوم تقف تلف فيهم في الشركة، في المبني أو برا المبني عشان جسمك و تفكيرك.

 

13- إتنفس بعمق
 

معظم الناس بتاخد النفس بشكل سطحي. كل ساعة قوم أقف، إفرد جسمك وخد 10 أنفاس عميقة، الراحة الصغيرة دي هتدخل جسمك كمية كويسة من الأكسجين لازمين عشان تاسك الجاي.

 

14- خد راحة تتغدا فيها
 

قوم من علي مكتبك و روح إتغدا في مكان تاني، لو مش عارف تطلّع شوية من المكتب خلي الغدا جوا المكتب مع الناس للتواصل معاهم، إعمل ميتينج غدا مع موظفينك و زباينك.

 

15- نضف مكتبك
 

آخر كل يوم، لم الزبالة من علي مكتبك، لم الأقلام، لم الورق المتنطور، المكتب النضيف هيفتح نفسك تاني يوم علي الشغل ومش هيخليك تحس بإنك شايل من شغل إمبارح.

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت