8 وصايا فى اتيكيت الشغل حاول تعمل بيهم 


بعض الناس مننا مش بيهتموا اوى بمظهرهم و هما رايحين الشغل مش عارفين اية السبب غير انه ممكن يكون مش حابب الشغل نفسه او مش حابب زمايله ؟؟ 


و بعض لناس بيتجاهلوا ابسط الذوقيات مع زمايلهم فى الشغل من باب العشم بقى  و اننا مع بعض طول اليوم فعادى او من باب عدم معرفة الذوقيات دى اصلا 


خلينا نتكلم فيها و فى اتيكيت الشغل اللى هنحاول كلنا نعمل منه اللى نقدر عليه .

 

1. المظهر العام 

اهتم اوى بمظهرك حتى لو مش عندك الا طقمين نوع فيهم و غير حتى هيساعدك تغير و تجدد نفسيتك, و لمع شوزا بتاعتك و انت نازل مع برفيوم خفيف كدة :( و بلاش برضو 3 كيلو ميكب كفاية اوى يكون ميكب صباحى و هادى اوى, خلينا عمليين فى شكلنا و شيك و فى نفس الوقت فى بساطة,  و لان المظهر العام بينعكس على team كله و على الشركة ككل 

 

2. خليك ودود 

 اهتم اوى بصباح الفل، صبح على كل الناس اللى معاك فى الشركة من اول office boy لحتى مديرك، خليك ودود و لو انت owner صبح على كل team و خليك قريب من كل team اللى بيشتغل معاك .

 

3. انسى النعكشة 

بلاش تسيب مكتبك مبهدل و ورق فى كل مكان و علبة الكان مرمية على الارض و مكانك كله فوضى, خليك منظم فى شغلك و حواليك تريح عينك و نفسيتك, بلاش تعتمد على office boy فى الحاجات البسيطة اللى زى دى .

 

4. رتب دماغك 

ابداء يومك بـ To Do List او جهزها من بالليل تلاقى يومك مترتب و عارف انت هتعمل اية و لو مشيت بـ time هتقبى طاقاتك الايجابية اكبر و انت بتعلم على كل task خلص و تحس بالانجاز و ما تبقاش طاقتك مهدرة 

 

5. بلاش المفاجأت 

ما تطلبش اى حاجة من زميلك فجأة و كمان تطلب انه يخلصها فى نفس اللحظة الافضل تسأله الاول اذا عنده وقت علشان تقوله فكرتك اصلا و لا لا و بعدين اطلب بشياكة اللى انت عايزه و ادي له وقت علشان يلحق يقدم لك اللى انت عايزه بأفضل صورة 

 

6. صاحبك Google 

ماتخليش Google مجرد search و انك تبعت emails منه و بس لا انت كمان ممكن تستخدمه فى chat مع زمايلك فى الشغل و تتكلموا فى اى تفاصيل و اى فكرة جديدة بشكل سريع 

 

7. الذوق حلو ما فيش كلام 

بلاش تبعت اى mail لزميلك فى الشغل او manger و كاتب فيه الطلب اللى انت عايزه او data خاصة بعميل مثلا من غير ما تبداء بــ اهلا فلان و تطلب طلبك زى ما انت عاوز حتى لو هتبعت لك 10 emails فى نفس اليوم كل مرة ابداء بــ اهلا فلان و بعدين طلبك اشيك كتير 

 

8. بلاش بلاش 

 لو فى اى خلاف بينك و بين زميلك بلاش بلاش بلاش بلاش تتكلم فى المشكلة مع زميل تانى و تعمل حكاية عليه صدقنى شكلك بيبقى وحش اوى يا تكلمه فى وشه و تحاولوا تحلوا الخلاف بهدوء يا تلجأ للـ Team leader