علامات تعرف بيهم انت اتقبلت او لآ اثناء الانترفيو

علامات تعرف بيهم انت اتقبلت او لآ اثناء الانترفيو
تم النشر بواسطة : ewazefa.com
المشاهدات :6799




4 علامات تعرف بيهم انت اتقبلت او لآ اثناء ال Interview !!! 


وازاى تتصرف فى الموقف ده ؟ 


محدش فينا يتمنى انه يترفض فى اى Interview !!


بس فى بعض الاحيان ممكن تحصل على رد فعل سلبى على اجاباتك او متلاقيش اى رد فعل اصلا من ال Interviewer اثناء المقابلة !! ده مؤشر مش كويس بس مش معناه انك تيأس من انك ممكن تتقبل فى المقابلة دى !


فى 4 علامات تكتشف بيهم مدى قبول او رفض ال HR/ Recruiter ليك اثناء المقابلة:


1- لما تتأكد انك مش الشخص المناسب للوظيفة !!


عن اللحظة اللى بيبتدى ال HR يكلمك فيها عن متطلبات الوظيفة وكل المؤهلات اللى محتاجنها واللى بتكتشف فيها ان الحاجات دى مش عندك ويا اما هم مكنوش موضحين ده فى اعلان الوظيفة يا اما انت معملتش بحث كويس وقدمت و خلاص و فى الحالتين حاول تكون صادق وتوضح انك فهمت الاعلان بشكل غلط ووضح انك عندك مؤهلات تانية ممكن يستفيدوا بيها سواء فى نفس الوظيفة او وظيفة تانية .


2- لما تلاقى ال Body Language لل HR تدل على انه مش معجب او متأثر بكلامك على الاطلاق 


وده عادة بيبان لما تلاقيه مربع ايده وهو بيسمع ليك او حاطط ايده على خده او مش بيبصلك اساسا وفى حالة انك لاقيت رد الفعل ده وانت بتجاوب على اى سؤال ده معناه انه مش مقتنع او متأثر بأجابتك فا حاول تسأله اذا كانت محتاج يعرف اى معلومات اضافية او محتاجك توضحله اكتر اجابتك !!!


لو فعلا طلب توضيح اكتر فا انت لسة عندك فرصة تانية اما لو قالك لآ تمام !! يبقى خسرت السؤال ده ومقدمكش غير انك تستنى ان ال Interview ينتهى وتبعتله بعدها ميل شكر يمكن يهتم ويراجع مؤهلاتك تانى 


3- فى حالة ان ال Interviewer بيسألك اسئلة ملهاش علاقة بالشغل:


فى بعض الاحيان ممكن تعمل مقابلة شخصية مع Interviewer غير محترف ويسألك اسئلة غير متعلقة بالوظيفة وسعتها مش هيبقى عندك فرصة انك تعرض فسك كأحسن حد للوظيفة دى !!!


الحل انك تسأله بلطف, ما مدى تعلق السؤال ده بأحتياجات الوظيفة وتحاول توجه المحادثة ليك وتتكلم اكتر عن مؤهلاتك وليه شايف انك احسن حد للوظيفة 


4- فى اسوأ الاحوال لو اتأكدت انك هتترفض يعنى هتترفض:


وده ممكن يحصل عادى معانا كلنا بس الفكرة ازاى تستفيد من الموقف ده، لو عملت كل اللى عليك ولقيت نفسك ضيعت الدنيا فى المقابلة ومستحيل يقبلوك !! سعتها ممكن تصارح ال Interviewer بده !!!


وتقوله انك شايف ان مش انت الشخص الانسب للوظيفة وانك مأدتش كويس فى المقابلة وبتعترف بده واطلب ال Feedback بتاعته على ادائك 


وهو هيحترم ده جدااا ويقدر صراحتك وشجاعتك وهيقولك رأيه ويديك Feedback ممكن تستفيد بيه فى اى مقابلات قادمة وتبقى استفدت بحاجة فى الموقف ده 



ملحوظة:


كل المواقف دى ممكن تتجنبها بالتحضير والتخطيط الصح للمقابلة 

 

تقدروا تتابعوا أسئلة الانترفيو و إجاباتها باعربي و الانجليزي الخاصة بكل المجالات على موقعنا

blog.ewazefa.com

 

المصدر: 

 http://bit.ly/salvageinterview

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت