حدد مجالك و أوصل لهدفك

حدد مجالك و أوصل لهدفك
تم النشر بواسطة : ewazefa.com
المشاهدات :4027




لكل اللي حدد مجاله وعايز يعرف ازاي يوصل لهدفه ويسبق كل اللي حواليه .. المقال ده من الآخر smiley


معظم الناس بتبقى حاسه انها متأخره جدا وان سنها كبير ومش هيقدروا يوصله لكل حاجه هما عايزنها ودايما بيقضوا يبصوا على الناس اللى سبقوهم وده بيحبطهم أكتر وبيخليهم دايما يحسوا انهم مش هيقدروا يوصله ويقولوا لنفسهم انا سنى كبير ومش هلحق أخلص كل ده.


بس انتوا ليه مش بتحولوا تعكسوا التفكير السلبى ده لآيجابى وتفكروا كده بطريقه ايجابيه لانك لو اديت لنفسك الوقت عشان تفكر تفكير ايجابى بدل السلبى ده هتلاقى نفسك ابديت ترسم الطريق اللى انت عايزه وهتبقى عارف بالظبط انت عايز ايه والحاجه دى هتوصلك لآيه ومش هتبقى عامل زى الناس اللى بتبقى تايه وعماله تخبط فى أى حاجه وخلاص


يعنى الدنيا هى اللى بتمشيك زى ما هى عايزه مش انت اللى بتختار طريقك يمكن معظمنا وجهنا الحاجات دى فى حياتنا كتير فتعالوا نتكلم كده على كذا أداه تساعدنا نركز على اللى أحنا عايزينه عشان توصل لهدفك أسرع....
خلونا نتكلم على مجال معين زى (HR) بس طبعا كل واحد يحط المجال بتاعه..


1- القراءة :

دى اول خطوه تبدأ بيها فى المجال بتاعك كبدايه عشان تعرف أكتر عن المجال بتعاك لآن فى ناس فى نفس المجال ممكن تكون مش بتقرأ كتب فدى فرصتك أنك تقرا وتحاول حتى لو كنت مش بتحب القراءة انت كمان بس مدام انت حابب المجال ده انت هيبقى عندك فضول تقرأ عنه أكتر أكتر عشان تبقى مميز فيه وسبقت غيرك


وكمان مش بس قراية كتب لآ كمان أقرا مقالات مكتوبه عن خبرة حد فى المجال ده او حاجه حصلت معاه تقدر تستفيد منها وخصوصا لما يكون حد مؤثر جدا فى مجالك...


2- ايفنتات :

أحضر ايفنتات على قد ما تقدر فى المجال ده عشان كل ما هتحضر أكتر كل ما هتسمع كلام جديد حتى لو كان الكلام ده سمعته قبل كده بس كده الكلام ده هيثبت فى دماغك أكتر وكمان حتى لو سمعت معلومه واحده مفيده بين كل الكلام اللى انت سمعته قبل كده لآن كمان الشخص اللى بيتكلم فى الايفنت ده ممكن تستفاد منه شخصيا لما يشوفك فى كذا أيفنت ويعرف انك مهتم وتحاول تتواصل معاه شخصيا...


3- التطوع :

وده من أهم الحاجات اللى بتساعدك تكسب خبره فى المجال بتاعك وكمان هتستفاد على المستوى الشخصى كتير من التغيرات الشخصيه اللى هتحصلك مع كل تطوع جديد بتدخل فيه وبين كل خبره بتكتسبها من كل نشاط او مؤسسه بتدخلها فى نفس المجال...


4- تدريبات صيفيه - منح :

ودى حاجات حاليا بقت موجوده فى مؤسسات بتساعد الشباب فى سوق العمل او فى انشطه طلابيه بس الفكره انك تسعى بس وتدور عليهم بنفسك فى كل مؤسسه ونشاط وتختار منهم الحاجه اللى ليها علاقه بمجالك لآن سواء كان حاجه من الاتنين فهما بيدوك خبره كبيره لآنك بتكون بتدرب فى شركه ولو كنت متميز ممكن يخدوك معاهم كمان


والمنح كل ما هتروح منح أكتر هتلاقى جوه المنح دى منحه تانيه ليها علاقه بنفس المجال ودول من الحاجات اللى هتميزك عن غيرك بشكل ملحوظ لآن التدريبات مش كل الناس بتبقى عارفه بيها غير اللى بيكون مشترك فى مؤسسات وأنشطه يعنى شخص أكتف...


5- كورسات :

خلونا نبعد عن الكورسات اللى بفلوس ونتكلم على الكورسات المجانيه اللى متاحه للجميع ودى حاليا بقت متاحه من الجمعيات الخيريه او موجوده كمان فى أنشطه انت بتشترك فيها او المؤسسات كمتطوع


طبعا كل ما الكورسات زادت كل ما انت هتعرف أكتر وهتتعلم حاجه عن غيرك لآن أكيد فى حد مخدش الكورس ده وخصوصا فى الكورسات الاونلاين لآن دى مش كل الناس بتستخدمها ومش كل الناس عارفاها فدى من الحاجات اللى هتفرق معاك أوى فى مجالك...


6- Networks :

ودى بقى من الحاجات اللى بتبقى عندنا بس أحنا مش بنستغلها صح يعنى بدل ما تكبر شبكة علاقاتك فى حد مش فى نفس مجالك لآ خلى معظم علاقاتك مع الناس اللى فى نفس مجالك لان ده هيخلى كل الفرص اللى اتكلمنا عليها دى تعرف عنها وتيجى لغاية عندك وانت قاعد فى مكانك وكمان كل واحد من الاشخاص دول هتتعلم منه حاجه جديده خاصه بمجالك فحاول دايما تكون مظبط علاقاتك ويكونوا فى نفس المجال بتاعك عشان تعرف أكتر smiley

 

المصدر: http://goo.gl/ZZb0h0

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت