أسباب عدم قراءة سيرتك الذاتية

أسباب عدم قراءة سيرتك الذاتية
تم النشر بواسطة : ewazefa.com
المشاهدات :11061




فى 5 اسباب ان محدش بيتصل بيك عشان تعمل Interview

 

برغم انك بتبعت ال C.V على وظائف وفرص كتيير !!!

 

خلال الفترة اللى فاتت جالى كذا عميل بيشتكى انه بيقدم على وظائف كتير ومحدش بيكلمه وعايز مساعدتنا فى تطوير ال C.V بتاعه ! 


بس مش دايما ال C.V بيكون المشكلة الاكبر !


فى 5 اسباب ممكن تأدى ان محدش يكلمك يحدد معاك ميعاد Interview !


1- ان ال C.V بتاعك غير منظم ومليان اخطاء:

ال HR & Recruiters بيشوفوا مئات ال C.Vs فى ايام قليلة و شكل ال C.V بتاعك وطريقة كتابته هتأثر بشكل كبير على اقتناعهم بيك وانك تستاهل مقابلة, فا لو ال C.V بتاعك مليان اخطاء زى استخدام الالوان بدون داعى او وجود اخطاء املائية او تنسيقية هيتعمله Delete


2- انك مش مؤهل اصلا للوظيفة:

متحاولش تقدم على وظائف اكبر بكتيير من مؤهلاتك حتى لو انت عاطل محدش هيستفيد او اتعينت فى وظيفة انت مش قدها، الموضوع ملوش علاقة انت بعت ال C.V لكام شركة ولكن الاهم انت كنت مؤهل لكام وظيفة من اللى قدمت عليهم وتقدر تنافس عليها.


متقدمش على حاجة اكبر منك بكتير واشتغل على نفسك عشان تبقى الافضل.


3- الميل بتاعك متفتحش اصلا:

فى اخطاء بسيطة وبدائية ممكن تخلى ال C.V وال Email بتاعك ميتفتحش اصلا، زى انك تبقى سايب عنوان ال Email فاضى من غير ما تكتب ايه الوظيفة اللى انت مقدم عليها او ان اسم ال C.V بتاعك My C.V من غير اسمك او مجالك اللى بتقدم عليه.


افتكر ان فى مئات غيرك بيقدموا على نفس الوظيفة، وانك المفروض تظهر فى وسط الزحمة.


4- ال C.V عام ومش متفصل عليهم:

لو عندك نسخة واحدة لل C.V بتقدم بيها على اى وظيفة  ده ممكن يكون سبب قوى انك تترفض، لان كل وظيفة بتقدم عليها ليها مؤهلات مختلفة عن غيرها حتى لو فى نفس المجال.
 

فا انت لازم تقدم نفسك بشكل مختلف على اساس كل وظيفة ومتطلباتها وتعدل ال C.V بتاعك على حسب كل وظيفة عشان تعرض نفسك انك افضل حد ليها.


5- عينوا حد معرفة:

"اللى نعرفه احسن من اللى منعرفوش" ده مبدأ موجود فى التعيين للشركات، فى شركات كتير ممكن تعين شخص ما لانه جاى بناء على ترشيح من مدير او شخص مهم او شاطر جوا الشركة وده يختلف عن الواسطة تماما.


والحل انك قبل ما تبعت ال C.V لاى شركة، اتواصل مع الاشخاص المسئولين عن التعيين فى الشركة دى على Linkedin مثلا وخليك على علاقة بيهم ولو انت مؤهل كفاية واثبتلهم ده هم اللى هيرشحوك للوظيفة.


 

لو عايز تتعلم تكتب C.V محترف ادخل على اللينك التالي
 

http://blog.ewazefa.com/ar/home/Post/789

 

كمان مهم أوي يكون الTemplate اللي بتكتب فيها الC.V بتاعك تكون منظمة، عشان كدة جمعنا لكم مجموعة من الTemplates الجاهزة تقدروا تنزوها و تكتبوا فيها خبراتكم كاملة من اللينك التالي:
 

http://blog.ewazefa.com/ar/home/Post/633

 

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت