أسئلة انترفيو محرجة

أسئلة انترفيو محرجة
تم النشر بواسطة : ewazefa.com
المشاهدات :18079




في الانترفيو احيانا الدنيا بتبقة ماشية زي الفل و الاسئلة سهلة و إجاباتك منظمة و فجأة الدنيا بتقلب مطر و رعد و برق و تلاقي أسئلة عجيبة و غريبة ملهاش إجابة و الظريف إن ااشخص اللي بيعملك انترفيو مستني اجابة و مش أي اجاية لازم تكون مقنعة و مدروسة.
 

طب إزاي السؤال مش مفهوم و مش منطقي و عايزله إجابة مفهومة و منطقية ... هنا بقى بيبان الموظف الذكي اللي يستحق انه يتعين،
 

مش بس أسئلة غريبة لا كمان أسئلة محرجة لاقصى درجة و بيبقوا مستنين إجابة صريحة و متحاولش تحور او تكدب عشان هيبان عليك ... إنك تنجح في الانترفيو ده متوقف على مدى براعتك في إجابتك اللا منطقية و إزاي هتقدر تعدي من الاسئلة دي بشكل محترف و ذكي و صريح.

 

احنا جمعنا بعض الاسئلة العجيبة اللي بتوع الHR سألوها لبعض المتقدمين زي:
 

تحب تكون شجرة و لا صخرة ؟
 

السؤال ده لة اتسألتوا يبقى اللي قدامك عايز يعرف هل هترد على السؤال بشكل عفوي او عندك المهارة إنك تحكي قصة و لو حكيت قصة هل أنت انسان مبدع و الاهم هل لو انت اتسألت سؤال انت مش متوقعه هتتوتر و لا هتدرك الموقف و هتعرف تتصرف.

 

مين بطلك في الحياه ؟
 

لو اتسألت السؤال ده يبقى اللي قدامك عايز يعرف ايه وجهه نظرك في قيادتك لفريق العمل، دور على شخص علّم معاك و علمك حاجات كتير و اتكلم عنه و اذكر الاسباب اللي تخليك قائد ناجح بسبب اللي انت اتعلمته من الشخص ده.

 

لو اتفرفدت من الوظيفة دي ... هتترفد ليه ؟
 

السؤال ده الغرض منه انك تتكلم عن إجابياتك مش سلبياتك يعني متقولش مثلا ممكن عشان بتأخر الصبح او مش بركز في شغلي، هو عايز يسمع منك حاجة زي ممكن الشغل ياخد مني وقت طويل شوية بس ده لاني بركز في التفاصيل أوي.

 

إيه اكتر موقف محرج حصلّك ؟
 

السؤال ده الغرض منه انه يعرف هل انت شخص تجيد التصرف في المواقف الصعبة، هل بتتعلم من اخطائك، هنا هتقولوا موقف حصلّك انت غلط فيه و قدرت تتصرف صح بعد كدة و اتعلمت منه.

 

 لو سألك سؤال معلومات عامة بس سؤال صعب أوي زي مثلا امتى اتبنى هرم خوفو ؟
 

هنا هو ميهموش الاجابة تبقى صح هو عايز يشوف هتتصرف ازاي مع حاجة انت مش عارفها، هو هنا عايزك تقولوا انت محتاج تقرا اكتر عن تاريخ بلدك بمعنى انك بتحب تتعلم و تقرا عشان يفهم ان عندك اتسعداد تتعلم حاجات جديدة.

 

متتخدش لو اتسألت اي سؤال منهم او اي سؤال تاني مالوش اجابة في نظرك ... لازم تعرف كل سؤال و له اجابة و كل موقف فجائي و له حل ... الحل و الاجابة دوول هما اللي هيميزك عن أي حد مقدم معاك على الوظيفة.

 

نجاحك في إبداعك.

 

عشان تتابعوا اجدد الوظائف اللي اضافت على موقعنا

www.ewazefa.com
 

لمتابعة أسئلة الانترفيو و اجاباتها بالعربي و الانجليزي الخاصة بكل مجال على مدونتنا

blog.ewazefa.com

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت