نـينــا مُفلح
حلم حياتها تشتغل في Airbnb
للي ما يعرفش airbnb ده موقع امريكي بيخليك تعرض انك تستضيف ناس عندك في البيت لو عندك غرفة او مساحة فاضية. الموقع بيعمل اكثر من 10 مليون حجز لغرفة في 192 دولة في الليلة الواحدة.
نينا بقي فكرت بشكل مختلف، انس بقي ان انا ابعت الCV و لا اروح اقدم بنفسي علي الشغلانة لا لا الكلام ده كان زمان، نينا قررت تعمل موقع عالانترنت و تشرح فيه ازاي هي هتقدر تساهم و تعمل فرق معاهم و عملت دراسة و تحليل ايه اللي هي ممكن تساهم بيه معاهم في نطاق خبراتها و شغفها.
نينا عملت موقع عبارة عن صفحة واحدة مقتبسة من التصميم بتاع موقع Airbnb و الحلو في الموضوع انا نينا ما ركزتش علي خبراتها السابقة ولا سيرتها الذاتية اللي ممكن تتعرف بسهولة من صفحتها علي linkedin، و اظهرت في الموقع اللي هي عملته ده خبرتها بمجال السياحة عموما و هتقدر ازاي تاخد Airbnb للمرحلة اللي جاية.
نينا قعدت فترة طويلة 3 شهور بتحاول تتواصل مع Airbnb بدون فايدة و اختها نصحتها انها تشوف فرصة في مكان ثاني لانها بالفعل عملت كل اللي ممكن يتعملـ لكن نينا كان عندها وجهة نظر مختلفة و ان هي بقالها فترة طويلة بتعمل نفس الحاجة بنفس الطريقة و انها محتاجة تعمله بطريقة مختلفة.
و ده بعض السكرينشوتس من الموقع بتاع نينا
و بالطريقة ده نينا مفلح قدرت تجذب انتباه رئيس مجلس ادرة الشركة و حددت ميعاد انترفيو رسمي. يذكر ان نينا اخذت اسبوع تعمل في الموقع بالاستعانة باحد المصممين اللي كان بيشتغل معاها قبل كده.
و ده كانت النتيجة
ان الـ CEO بتاع الشركة يرد عالتويتة بتاعتها و الموضوع يقلب بجد جدا :)
ما تستغربش ان في ناس بتحول و تقعد تتعجب و تعض في شفايفك لا حاول و جرب و حاول ثاني لحد ما تنجح، خليك مبدع و ذكي و لماح هتوصل