كل الناس اللي شغالة في الـ IT بصفة عامة و اللي شغالين في الديجيتال ماركتينج بصفة خاصة Mobilegeddon سمعت عنه قبل كده؟
طيب ببساطة Mobilegeddon ده عبارة عن تحديث من #google لطريقة عرض المواقع في محرك البحث الاقوي. الهدف من التحديث ده ان جوجل
هتدي الاولوية و الرانك الاعلي للمواقع اللي بتدعم شاشات الموبايل المواقع الـ Responsive يعني.
طيب لو انت عايز تعرف الموقع بتاع شركتك متوافق مع الموبايلات ولا لأ من هنا:
http://goo.gl/Vi31dw
الحقيقة ان التحديث ده هيبدأ من النهاردة 21 أبريل 2015 و هيستمر لمدة اسبوع.
الفكرة ان عدد الناس اللي بتبحث من خلال جوجل عالموبايل بيزيد بسرعة رهيبة عشان كده هبقي الاولوية في الظهور للمواقع اللي عاملة حسابها و بتدعم شاشات الموبايل. و التصميم Responsive زي ما قلنا.
طيب و الناس اللي مش عاملة حسابها تروّح و لا تعمل ايه؟ لا طبعا و عشان السبب ده بالتحديد احنا عملنا موضوع في صورة سؤال و جواب خليك معانا لو سمحت
س: هو ايه التحديث ده و مين هيتأثر بيه؟
التحديث ده هيتأثر بيه الناس اللي بتبحث عن طريق الموبايل و هيدي الاولوية في الظهور للمواقع الصديقة للموبايل أو Mobile friendly websites
س: هل الكلام ده هيأثر علي الناس اللي بتبحث من Desktop و Tablets؟
لا حسب كلام جوجل ان التحديث ده خاص بالناس اللي هتبحث من عالموبايل فقط
س: اعرف ازاي ان الموقع بتاعي indexed علي انه Mobile friendly؟
طبعا أهم شئ انك تلاقي كلمة Mobile friendly جنب الموقع بتاعك في نتائج بحث جوجل و تقدر تختبر مدي صداقة موقعك مع الموبايلز من خلال اللينك ده http://goo.gl/Vi31dw و كمان تقدر تستخدم التقارير اللي في Webmasters tools اللي هتقلك بالتفصيل الموقع بتاعك mobile friendly و لا لأ.
س: مش جوجل كانت عملت تحديث خاص بالموبايل في 2013؟
ايوة صحيح بس المرة دي التحديث اقوي و أشمل و بيركز اكثر علي قابلية الاستخدام user experience و حاجات ثانية كثير تقدر تعرفها كلها من علي webmasters tools
س: هل التحديث ده هيبقي شامل الموقع ككل ولا صفحة بصفحة؟
جوجل سبايدر crawler هيعدي علي صفحة صفحة و يحدد اذا كانت mobile friendly ولا لأ ده معنا انك لو عندك صفحات متطابقة مع الموبايل و صفحات ثانية لأ يبقي الصفحات المتطابقة هتنزل و تبقي indexed في جوجل علي انها mobile friendly
س: هل الـ algorithm ده هيشتغل في realtime ولا delayed؟
التحديث ده هيبقي realtime update يعني في نفس الوقت اللي المستخدم بيبحث من عالموبايل و جوجل بيعرض النتيجة هيقرر اذا كان الصفحة ده mobile friendly ولا لأ علي عكس تحديثات Penguin و Pando اللي جوجل بيارشف الصفحة و يديها رانك و يسجل الكلام ده في قاعدة بياناته و يرجعلها بعد كده. انما التحديث بتاع Mobilegeddon ده هيبقي بيشتغل عالطاير زي ما قلنا.
س: طيب لو انا عملت الموقع بتاعي Mobile friendly النهاردة هياخد وقت قد ايه عشان يتأرشف في جوجل علي هذا الاساس؟
زي ما قلنا ان التحديث ده هيشتغل عالطاير، يعني في لحظة عرض نتيجة البحث جوجل هيحدد اذا كان الصفحة ده mobile friendly ولا لأ. في الغالب العملية ده بتاخد من 0 الي 72 ساعة عشان جوجل ياخد باله منك.
س: هل التحديث ده هياثر علي News, images, local results؟
لا، لحد دلوقتي الموضوع مقتصر فقط علي البحث الرئيسي اللي كل الناس بتستخدمه.
س: عل الموقع بتاعي ترتيبه هيقل لو مش Mobile friendly؟
أكيد و هو ده الهدف من التحديث ان المواقع اللي مش mobile friendly ترتيبها هيقل جامد جدا و المواقع ال mobile friendly ترتيبها هيعلى اكثر. و مش بالضرورة ان موقعك يقل ترتيبه من النهاردة بس كده كده هيقل في خلال شهر بالكثير من النهاردة.
س: طيب و بالنسبة لسرعة الموقع يعني لو الموقع بيشتغل عالـ desktop اسرع من عالـ mobile؟
مش هتفرق في حاجة بالنسبة للـ Algorithm ده، انت كده كده لازم موقعك يبقي سريع سواء عالـ desktop أو عالموبايل من ساعة تحديث الـ Panda اللي بيهتم بالسرعة كأحد العوامل اللي بتحدد موقعك هيظهر و لا لأ و كل ما كان موقعك أسرع كل ما كان احسن.
و تقدر تختبر سرعة موقعك من هنا: http://goo.gl/A0tnzR
س: هل نتائج البحث بعد التحديث الاخير ده هتتأثر بتطبيقات الموبايل اللي المستخدم منزلها علي تليفونه؟
ايوة هتتأثر يعني انت لو بتبحث علي حاجة معينة ليها تطبيق app عالاندرويد هيظهر في نتائج البحث و حتي كمان ال apps اللي مش متحمله علي جهازك.
س: ايه الاخطاء اللي ممكن اعملها و انا بحول الموقع بتاعي الي mobile friendly؟
في حاجات كثير جوجل قالت عليها في اللينك ده http://goo.gl/lGQjuO
س: هل ببقي محتاج site map خاصة بالموبايل ؟
لا، الا لو انت عامل موقع منفصل للموبايل غير الـ desktop زي مثلا انك يبقي عندك site.com و m.site.com
ده كانت اهم الأسئلة اللي الناس بتسألها الفترة اللي فاتت.
اللي حابب يقرأ اكثر عن Mobilegeddon
http://goo.gl/HAaAB7
http://goo.gl/MgXkjE
#جوجل #seo