لما تقدم على وظيفة مناسبة مع مؤهلاتك ده مبقاش كفاية ... ليه ؟
لأن صاحب العمل مبقاش يهمه المؤهل على قد ما يهمه المهارة، دلوقتي لما تقدم على وظيفة مناسبة لمؤهلك و يكلموك عشان تروح انترفيو، تتفاجىء بمجموعة اختبارات لازم تاخدها و تنجح فيها بنسبة معينة عشان تعدى لمرحلة الانترفيو.
ايه هي الاختبارات دي؟
أسئلة معلومات عامة، اسئلة ذكاء و أسئلة لتحديد مستوى الانجليزي، كل اختبار فيه 3 مستويات لدقة تحديد المستوى، كل مستوى فيه 3 نماذج لتنوع الأسئلة و أهم ميزة في الاختبارات إنك ممكن تاخد أي اختبار فيهم أكتر من مرة و ده عشان نحمسك إن إجاباتك تبقى أحسن في كل مرة.
طب إيه هى أهمية الاختبارات دى؟
- اصحاب العمل دلوقتي بيدوروا على الموظفين الموهوبين مش مجرد إن مؤهلك يتماشى مع الوظيفة يبقى انت كدة مناسب ليها، لا اصحاب العمل محتاجين مهارات استثنائية زي الذكاء، سرعة البديهة و كمان التحكم في الوقت ...
- كل المهارات دي لا يمكن تتقاس خلال الانترفيو او من خلال الابليكشن اللى انت مليتوا، لو تلاحظ في أي إعلان عن وظيفة دايما بيذكروا المهارات المطلوبة للوظيفة بشرح وافي و على النقيض بيكتفوا بسطر واحد يذكروا فيه المؤهل المطلوب ... المبدأ ده يفهمك قد إيه أهمية المهارات و الاختبارات اللي هتساعدك و أهميتها.
طب أنت هتستفاد إيه من الاختبارات دي؟
- هتتعلم إزاي تنظم وقتك
- هتتعلم إزاي تفكر بسرعة و يبقى عندك سرعة بديهه
- هتنمي ذكائك
- هتزود معلوماتك العامة
إيه هى الخطوة اللي بعد الاختبارات ؟
الخطوة معتمدة على النتائج اللي حققتها في الاختبارات، نتيجتك هى اللي هتحدد إذا كنت محتاج تاخد كورس في الانجليزى عشان تحسن مستواك، محتاج تقرا اكتر عشان تزود معلوماتك، تتعلم إزاي تركز و تنظم أفكارك عشان تستفيد من وقتك صح و أهم حاجة ترتقي بمستوى ذكائك.
أكيد بتتسأل إيه علاقة الاختبارات و نتائجها بمستقبلك المهني ؟
- لما بتقدم على وظيفة شباب كتير بيقدموا معاك لأن ببساطة مؤهلاتكم واحدة و بالتالى كلكم مناسبين للوظيفة، لكن مين فيكم المتميز اللي هيجذب صاحب العمل إنه يستثمر في مهاراته و قدراته و يعينوا لأنه واثق إنه أضاف قيمة لشركته.
- قيمتك كموظف تكمن في مهاراتك و قدراتك اللى هتنميها من خلال اختبارتنا ... كل ما مهاراتك هتزيد فرصك في وظيفة مرموقة هتزيد.
اتحدى نفسك و ارتقي بقدراتك من اللينك ده 
http://ewazefa.com/en/exams