مش يمكن لما اجرب اطلع بعرف جملة حزلئوم الشهيرة

مش يمكن لما اجرب اطلع بعرف جملة حزلئوم الشهيرة
تم النشر بواسطة : ewazefa.com
المشاهدات :12937




فاكرين الجملة الشهيرة بتاعت حزلئوم  ؟؟ " مش يمكن لما اجرب اطلع بعرف "  الجملة دي على فكرة صح جداً !!!

بجد والله ! في شخص ممكن يجرب الحاجه لأول مرة و يكتشف انه بيعرف يعملها من الأول، بالمنطق كدة احنا بنكتشف إزاى اننا بنعرف نعمل الحاجه دي  ؟؟ مش لازم نجرب الأول.

يبقي حزلئوم كن عنده ألف حق laugh

الجملة دي هتوصلنا للسؤال ده ...  ازاي نقدر نكتشف موهبتنا ؟؟ كلمة السر في الإكتشاف ده هي  " جرب " " try "  
مثلا هتعرف غزاي إن عندك موهبة الرسم مش لازم تجرب ترسم الأول و ساعتها هتعرف اذا كنت بتعرف و لا لأ ؟ 

يبقى إحنا متفقين إن أول حاجة نعملها هي اننا نجرب .. لازم يبقى عندك روح التجربة و الاستكشاف ..  حاول إنك تجرب كٌل حاجة حتى لو الحاجة دي أنت مش حاببها اكيد هتتعلم من تجربتها حاجة تفيدك.

فكر كدة اية هى  اكتر حاجه بتحب تعملها و بترتاح وانت بتعملها ؟
في ناس بتحب تعمل الاكل و تجرب و تفنن فيه حاجات جديدة ..
 ناس تانية بتحب ترسم تمسك ورقو و قلم فجأة كدة و تعد تشخبط و تتفاجيء إنها رسمت برسمة جميلة ..
جرب كُل حاجة و خاصة الحاجات الي بتحبها .. ما انت طالما بتحبها يبقى أكيد هتستمتع وانت بتعملها .. و بالتالي  هتطور منها .. مش جايز تبقى موهبتك اللى هتبدع فيها Description: wink!

فيها إيه لما تجرب الحاجات الصعبة .. الحاجات الي عمرك ما تخيلت  انك ممكن تعملها في يوم من الأيام  .. 
 مثلاً،
بتخاف تنزل البحر عشان مش بتعرف تعوم ؟؟هتخاف في الاول بس بعد كدة حاول و اتجرا هتخاف حاول تاني و اتحدي الخوف اللى جواك و مسيطر عليك ده .. هتستفيد إيه؟  ثقتك في نفسك هتزيد ... هتقهر أي خوف و أى كره لأى حاجة في حياتك.

طبعا الفيسبوك و خلافه من السوشيال ميديا و التيليفزيون هما أعداء أي حاجه حلوة و مفيدة في الحياة احنا بنضيع وقت كتييير أوي في الحاجتين دول !!!! تخيل كدة لو استغلينا الوقت ده  في إكتشاف موهبتنا !! اكيد يا غما هنكتشفها يا إما  هتخلقها جوااك في الوقت دة.
 
جربت قب كدة تعمل  ( Personality Test) ؟؟ 
دة امتحان صغيرعلي النت بتتسئل كام سؤال .. هتجاوب عليهم و في الاخر بناءا على إجاباتك هيتحدد لك صفاتك الشخصية.

تخيل أنك هادى إيه هيناسبك؟ رياضة فيها عنف و لا تلعب موسيقًى؟ اكيد المزيكا هتبقي متوافقة اكتر مع شخصيتك .

طب لو في حالة إنك شخص عصبي ؟؟ يبقي اكيد الرياضه هتبقي احسن لشخصيتك لأنك هتطلع فيها الطاقة الي جواك دى .. 
 
كمان اسئل اهلك و صحابك و الناس اللى حواليك هما شايفينك موهوب في ايه ... احيانا كتير الناس اللي حواليك بيشوفوك احسن ما أنت بتشوف نفسك ..

 حاجة مهمة أوي أنك تبقى عارف ايه هي نقط قوتك و ضعفك .. عشان تستغلهم في إنك تطور من موهبتك دي ...

دايما حاول إنك تشجع نفسك ... اتفرج على الناس الناجحة و المشهورة في الحاجة الي بتحبها زي الكورة او المزيكا او الرسم او القرأة او اي حاجه و خليهم  قدوة ليك .. و حاول تعرف هما وصلوا لكدة إزاى 

حاول تعرف أكتر و تزود معلوماتك عن المجال اللى بتحبه ... لأن كُل معلومة جديدة بتعرفها هتفتحلك طريق جديد 

تأكد إن انت عندك موهبة , الموضوع كله انك محتاج تكتشفها و تدورعليها و تطلعها من جواك و تبدأ تطور فيها و تخليها شئ اساسي في حياتك .. الموضوع محتاج شوية شغل و صبر مش اكتر 

خليك فاكر:
1- تعمل مينشن لصاحبك عشان يستفاد 
2- تعمل شير عشان كل الناس تستفاد 

 

 

استلم تنبيهات الوظائف عبر البريد

لا تدع الفرصة تمر من دون علمك، استلم كل الوظائف التي تنشر علي الموقع اسبوعيا.
بالضغط علي اشترك فانت قرات و وافقت علي شروط الإستخدام وسياسة الخصوصية.

البحث عن الوظائف

ابحث في آلاف الوظائف الحقيقية و تقدم اليها في خطوة واحدة.
وظائف محامين
وظائف مهندسين
وظائف محاسبين
وظائف كمبيوتر و انترنت