- من شغلنا فى ال Recruitment لفترة طويلة مرينا بمواقف مختلفة شفت فيها عنصرية فى التعيين من الشركات و اصحاب الاعمال تجاه المتقدمين للوظائف !!
- واللى اغرب من كده شفنا ناس شايفة الافعال العنصرية دى واللى هنتكلم عليها اكتر عادى جدااا ومن حق صاحب العمل انه يعملها عشان ينجح شغله وشركته !!!
فى اصحاب شركات و HR كتير بيرفضوا يعينوا ناس معينة وليهم اسبابهم ولكن من اسوأ اسباب رفض التعيين اللى سمعتها كانت كالاتى:
- سنها / سنه كبير
- مش حلوة "عايزين مواصفات"
- مربى دقنه "شكله اخوان"
- عروسة جديدة "هتاخد اجازات كتير ولسة حمل ورضاعة والخ"
- ده من بولاق "اكيد اخلاقه مش ولابد"
- بنت مش هتستحمل / ولد ومش هيبقى واجهه
امثلة على اكثر الاسئلة عنصرية فى ال Interview ؟!!!
- عندك كام سنة ؟
- مخطوبة؟ / خاطب؟
- مفيش حاجة جاية فى السكة ؟
- انت انتخبت مين ؟
- ده غير بقية الاسئلة المستفزة نوعا ما !!!
- بتاخد اجازات كتير ؟!!
- بتمشى فى معادك ولا ممكن تقعد بعد الشغل ؟!!!
- بابا بيشتغل ايه؟ !!! - ممكن تشتغلى من غير الحجاب ؟!!!
الخلاصة:
1- الشركة اللى بتعين الناس على اساس سن او نوع او دين او حالة اجتماعية وبتهمل مؤهلاته وموهبته وخبرته متستحقش انك تشتغلى/ تشتغل فيها.
2- مش من حق اى حد يسألك اسئلة شخصية ملهاش علاقة بالوظيفة وطالما لم يوضح الغرض من السؤال ده ايه!!
3- لو شايف ان الاسئلة والتصرفات دى من حق صاحب العمل انه يعملها عشان حاطط معايير لنجاح الشركة او عايز يضمن ان الناس متخدش اجازات كتير او يوفر مصاريف علاج او تأمينات مثلا!!
- "فا المشكلة عند حضرتك انك مش مستوعب ان دى عنصرية وان الشركة اللى متقومش على اساس العدل هى شركة فاشلة"
- وده بيبان اكتر فى اعلان التوظيف اللى بيذكروا فيه معايير عنصرية من اللى اتكلمنا عنها واللى تقدر تعرف منها ثقافة الشركة من قبل ما تقدم.
الرد الانسب على كل الاسئلة دى:
- ابتسامة لطيفة وبعدين تقولى /تقول !!
- "هل السؤال ده معيار من معايير التعيين؟!! وهل اجابتى عليه ممكن تخلينى اتقبل او اترفض ؟!!
- "ولكى / لك الحق فى الاجابة عليه او لآ سعتها على حسب وجهة نظرك"
ولو شايفة / شايف انه سؤال شخصى ممكن ترد:
- "انك بتفضل الاسئلة اللى ليها علاقة بالوظيفة والشغل اكثر من الاسئلة الشخصية"
لكى / لك الحق انك متقتنعش بأى كلمة مكتوبة بحجة انك عايزة /عايز شغل وخلاص وفى الاخر احنا هدفنا نعرفكوا الافضل ونغير طريقة تفكيرنا للاحسن.
المصدر http://on.fb.me/ZqN4rp